ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Մոսկվայի պետական լեզվաբանական համալսարանի ԱՊՀ անդամ պետությունների լեզուների և մշակույթների բազային կազմակերպությունը,  ԱՊՀ և Մերձավոր արտերկրների լեզուների և մշակույթների ամբիոնը ՀՀ ԿԳՄՍ նախարարության, ՌԴ-ում ՀՀ դեսպանատան և Ռուսաստանի հայերի միության  աջակցությամբ հրավիրում է մասնակցելու «Հայագիտությունը լեզուների և մշակույթների համատեքստում» միջազգային գիտագործնական գիտաժողովին, որը տեղի կունենա 2023 թ. ապրիլի 18-19-ը Մոսկվայում։

Գիտաժողովի նպատակն է մարդկության զարգացման բոլոր փուլերում հայոց լեզվի գոյատևման և զարգացման պայմանների (հնագույն ժամանակներից մինչև մեր օրերը) ու հայ ժողովրդի էթնոգենեզի հետազոտումը:

Գիտաժողովի հիմնական ուղղություններն են՝

 - Ավանդույթներ և նորարարություններ հայոց լեզվի և գրականության դասավանդման մեթոդիկայում,

 - Հայոց լեզու, թարգմանության արդի խնդիրներ,

 - Պատմահամեմատական լեզվաբանություն,

 - Միջմշակութային հաղորդակցություն. լեզու և մտածողություն,

 - Հայերենի տերմինաբանության ոլորտում վերջին հետազոտությունները. գիտատեխնիկական առաջընթացի գիտատեխնիկական առաջընթացի և ժամանակակից պայմանների ազդեցությունը:

Գիտաժողովին հնարավոր է մասնակցել նաև առցանց:

Աշխատանքային լեզուներն են հայերենը, ռուսերենը և անգլերենը:

Մասնակցության հայտը և հոդվածն անհրաժեշտ է ուղարկել կազմկոմիտեի armconforgcom@mail.ru էլ. հասցեին: Թեզերն ընդունվում են մինչև ս. թ. ապրիլի 10-ը, հոդվածները՝ մինչև ապրիլի 15-ը:

Մանրամասներ