ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

«Ֆարմացիայի արդի վիճակը և զարգացման հեռանկարները» գիտաժողով` ԵՊՀ-ում

29.10.2018

Երևանի պետական համալսարանի Ֆարմացիայի ինստիտուտը, Կենսատեխնոլոգների հայկական ասոցիացիայի (ԿՀԱ) և Շվեյցարական «Azad Pharmaceutical ingredients» դեղագործական ընկերության հետ համատեղ կազմակերպում է «Ֆարմացիայի արդի վիճակը և զարգացման հեռանկարները» վերնագրով І միջազգային գիտաժողովը՝ նվիրված ՀՀ ԳԱԱ  75 և ԵՊՀ 100-ամյակներին: 

Գիտաժողովը տեղի կունենա ս.թ. նոյեմբերի 1-3-ը՝ ԵՊՀ գիտական խորհրդի նիստերի դահլիճում (ք. Երևան, Ալեք Մանուկյան 1, ԵՊՀ կենտրոնական մասնաշենք, 5-հարկ)։ 

Գիտաժողովի կազմակերպմանը ֆինանսական աջակցություն է ցուցաբերել նաև ՀՀ ԿԳՆ գիտության կոմիտեն:

Գիտաժողովի հիմնական նպատակն է ֆարմացիայի բնագավառում կատարվող առաջատար գիտահետազոտական մշակումների և նվաճումների ցուցադրումը,  ինչպես նաև բաց երկխոսության հնարավորության ընձեռումը՝ ոլորտի հայտնի մասնագետների, գիտնականների, դեղագործական ընկերությունների ներկայացուցիչների և երիտասարդ գիտնականների միջև: 

Գիտաժողովի համատեքստում կքննարկվեն գիտական և ինովացիոն խնդիրներ կուսումնասիրվեն համատեղ ծրագրերի ստեղծման և իրականացման հնարավորությունները,  կկազմակերպվի ցուցահանդես՝ տեղական և արտերկրյա դեղագործական ընկերությունների համար:

Մանրամասներին կարող եք ծանոթանալ գիտաժողովի կայքից` http://pharmconf2018.ysu.am/: